कोरोना पोजेटिभ देखिएका ललितपुरका ५६ वर्षीय पुरुषको मृत्यु भएको पुष्टि

काठमाडौं—कोरोना भाइरस (कोभिड—१९) पोजेटिभ देखिएका ललितपुरका १ जना ५६ वर्षीय पुरुषको मृत्यु भएको पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले कोरोना पोजेटिभ देखिएका ललितपुर बुङमतीका ५६ वर्षीय पुरुषको  मृत्यु भएको पुष्टि गरे ।

‘अहिलेसम्म नेपालका कोभिड—१९ संक्रमण पुष्टि भएका व्यक्तिको मृत्यु हुनेको संख्या ५ पुगेको छ,’ उनले भने, ‘उहाँ ललितपुर बुङमतीका ५६ वर्षीय पुरुष हुनुहुन्छ ।’

डा. देवकोटाकाअनुसार ती पुरुष १२ जेठमा स्वास्थ्यमा समस्या आएपछि ललितपुरस्थित किष्ट मेडिकल कलेजमा भर्ना भएका थिए । उनको १४ जेठ बुधबार निधन भएको हो । यससँगै नेपालका कोरोना संक्रमण पुष्टि भएका ५ जनाको मृत्यु भएको  छ ।