२०८१ साउन ५, शनिबार
Health Aawaj logo
गृहपृष्ठप्रदेश २कोरोना संक्रमण पुष्टि भएपछि क्वारेन्टाइनबाट भागे एक युवक

कोरोना संक्रमण पुष्टि भएपछि क्वारेन्टाइनबाट भागे एक युवक


जनकपुर-सप्तरीमा कोरोना संक्रमण पुष्टि भएको थाहा पाए लगत्तै एक व्यक्ति क्वारेन्टाइनबाटै भागेका छन् । हनुमाननगर कंकालनी नगरपालिका-१ भारदहस्थित वीपी माविको क्वारेन्टाइनमा बसेका २४ वर्षीय युवक भागेका हुन् । उनको पीसीआर परीक्षणको रिपोर्ट सोमबार आएको थियो ।

रिपोर्ट पोजेटिभ आएको थाहा पाएपछि उनलाई छुट्टै कोठामा राखिएको थियो । तर, त्यसको केहीबेरमै उनी क्वारेन्टाइनबाट भागेको नगरपालिकाका स्वास्थ्य शाखा संयोजक रामदेव यादवले जानकारी दिए ।

‘अन्य व्यक्तिसँगै रहेका उनी पोजेटिभ देखिएपछि अर्काे कोठामा राख्न लग्यौं,’ उनले भने, “तर पानी परेको मौका छोपी उनी पर्खालबाट हाम फालेर भागे ।”

सर्लाही घर भएका ती व्यक्ति सप्तरीमै बस्दै आएका थिए । भारतबाट आएका उनलाई क्वारेन्टाइनमा राखिएको थियो । उनको ससुराली सप्तरीमै छ । ससुरालीमा समेत उनी फेला नपरेको र प्रहरीले खोजी कार्य जारी राखेको स्वास्थ्य संयोजक यादवले बताए ।


क्याटेगोरी : प्रदेश २, समाचार



तपाईको प्रतिक्रिया दिनुहोस


ट्रेण्डिङ