मागको सुनुवाई नभएको औषधी उत्पादक संघको गुनासो

काठमाडौँ –  नेपाल औषधी उत्पादक संघले बुधबार पनि नेपाल औषधी उत्पादक संघ अगाडी धर्ना बसेको छ। सरकारले ह्याण्ड स्यानिटाइजर दर्ताका लागि तीन महिना म्याद थप गरेको विरोधमा ३ दिन देखि संघ आन्दोलनमा उत्रिएको हो।

संघले विज्ञप्ति जारी गरी धर्ना बसेको ३ दिनवितिसक्दा पनि मागको सुनवाई नभएको भन्दै गुनासो गरेको छ। यसको साथै सरकारलाई दवाव स्वरूप धर्नालाई निरन्तरता दिँदै संघले बिहिबार दिउँसो पत्रकार सम्मेलन गर्ने भएको छ। सो सम्मेलनमा संचारमाध्यम तथा पत्रकारहरुलाई सहभागी हुन् संघको अनुरोध छ।