२०८१ असार ३, आईतबार
Health Aawaj logo
गृहपृष्ठप्रदेश २जनकपुरमा थप एक जना कोरोना संक्रमितको मृत्यु

जनकपुरमा थप एक जना कोरोना संक्रमितको मृत्यु


जनकपुर—धनुषाको जनकपुरमा कोरोना संक्रमणबाट थप एक जनाको मृत्यु भएको छ । शुक्रबार साँझ थप एक जना कोरोना संक्रमितको मृत्यु भएको स्थानीय प्रशासनले जनाएको छ ।

धनुषाको जनकपुरधाम उपमहानगरपालिका—४ मुरलीचोकका ६० वर्षीय एक पुरुषको कोरोनाका कारण मृत्यु भएको जिल्ला प्रशासन कार्यालय धनुषाका प्रशासकीय अधिकृत गणेश मिश्रले वताए ।

अधिकृत मिश्रका अनुसार श्वासप्रश्वासमा समस्या आएपछि भदौं १९ गते अस्पताल भर्ना भएका मृतक पुरुषको भेन्टिलेटरमा राखेर उपचार भइरहेको थियो । उनमा कोरोनाको लक्षण देखिएपछि भदौ २२ गते स्वाब संकलन गरिएको थियो । उनमा भदौ २३ गते कोरोना संक्रमण पुष्टि भएको थियो ।

कोरोना संक्रमणपछि उनलाई भेन्टिलेटरबाट कोरोना अस्पताल सारिएको र उपचारको क्रममै उनको शुक्रबार मृत्यु भएको छ । मृतकको शव श्रीनाथ गणबाट खटेको कोभिड—१९ शव व्यवस्थापन टीमले व्यवस्थापन गरेको प्रशासनले जनाएको छ ।


क्याटेगोरी : प्रदेश २, समाचार



तपाईको प्रतिक्रिया दिनुहोस


ट्रेण्डिङ