त्रिवि शिक्षण अस्पतालकी महिला कर्मचारीको कोरोनाबाट मृत्यु

काठमाडौं– त्रिवि शिक्षण अस्पतालमा कोरोना संक्रमित महिला कर्मचारीको मृत्यु भएको छ । ३ असोजमा ज्वरो र श्वास फेर्न गाह्रो भएपछि अस्पताल भर्ना भएकी उनको मंगलबार बिहान मृत्यु भएको अस्पतालका कोभिड–१९ व्यवस्थापन संयोजक डा। सन्तकुमार दासले जानकारी दिए ।

लामो समयदेखि दमको बिरामी रहेकी ती महिलामा ३ असोजमा कोभिड–१९ पुष्टि भएको थियो । ५ असोजबाट स्वास्थ्यमा थप समस्या बढ्दै गएपछि उनलाई आइसियु र भेन्टिलेटरमा राखेर उपचार सुरु गरिएको थियो ।

५७ वर्षीया ती महिला अस्पतालको डी एडिक्सन वार्डमा कार्यरत थिइन् । उनको मृत्युको कारण कोभिड निमोनिया भएको अस्पतालले जनाएको छ ।