डा. जीवन क्षेत्रीको संयोजकत्वमा डा. केसीको तर्फबाट पनि बन्यो वार्ता टोली

काठमाडौँ – १९ औँ पटकको सत्याग्रहमा रहेका डा. गोविन्द केसीको अनशनको सन्दर्भमा वार्ता गर्न सरकारले वार्ता टोली गठन गरेको छ।

बुधबार शिक्षा, विज्ञान तथा प्रविधि मन्त्रालयका सचिव गोपीनाथ मैनालीको संयोजकमा स्वास्थ्य मन्त्रालयका सह-सचिव डा. गुणराज लोहनी र चिकित्सा शिक्षा आयोगका निर्देशक डा. दिलीप शर्मा सहितको तीन सदस्य वार्ता टोली गठन भएको हो।

सरकारले तीन सदस्यीय वार्ता टोली गठन गरे पछि डा. गोविन्द केसीकोतर्फबाट पनि  डा. जीवन क्षेत्रीको संयोजकत्वमा ४ सदस्य सहितको वार्ता टोलीको घोषणा भएको छ। सो टोलीमा डा. अंजनी कुमार झा, डा लोचन कार्की र ओम प्रकाश अर्याल रहेका छन्।

चिकित्सा शिक्षा तथा स्वास्थ्यमा सुधारको माग राख्दै  अनसनरत रहेका डा. केसी हाल त्रिवि शिक्षण अस्पतालमा उपचाररत छन्।