एकैदिन २८ जना संक्रमितको निधन

काठमाडौँ – एकैदिनमा २८ जनाको काेराेना संक्रमितकाे मृत्यु भएको छ। पछिल्लो २४ घण्टामा थप २८ जना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको हो।

यससँगै नेपालमा कोरोनाबाट ज्यान गुमाउने संख्या १ हजार ३ सय ८९ पुगेको छ।

यस्तै, पछिल्लो २४ घण्टामा थप १ हजार ९ सय ४८ जनामा संक्रमण पुष्टि भएको छ। काठमाडौँ उपत्यकामा मात्रै ८ सय ३५ संक्रमित थपिएका छन्।

यसैगरी, एकैदिन ३ हजार १ सय ४० जना संक्रमित उपचार पछि निको भएका छन्। नेपालमा हालसम्म गरेर ९२ प्रतिशत संक्रमित कोरोनामुक्त भएका छन्।

अहिले देशभर गरेर आइसीयुमा ३ सय ९३ जना र ५७ जना संक्रमित भेन्टिलेटरमा उपचाररत छन्।