कोभिड—१९ खोप ‘कोभिसिल्ड’लाई नेपालमा आपतकालीन प्रयोगको अनुमति

काठमाडौँ – भारतद्वारा निर्माण गरेको कोरोना विरुद्ध भ्याक्सिनलाई नेपालले आपतकालीन स्वीकृती दिएको औषधी व्यवस्था विभागले जनाएको छ। शुक्रबार विभागको निर्णयअनुसार भारतको ‘सेरम इन्सिच्युट अफ इन्डिया प्राइभेट लिमिटेड’को ‘कोभिसिल्ड’ नामक भ्याक्सिनलाई अनुमति दिएको हो।

‘कोभिसिल्ड’ अक्सफोर्ड युनिभर्सिटीले एस्ट्राजेनेकासँग मिलेर विकास गरेको खोपको भारतीय संस्करण हो । उक्त खोपले भारतमा पनि अनुमति पाइसकेको छ ।

भारतले चाँडै नै खोप अभियान सुरु गर्ने तयारी अगाडि बढाइरहेको छ। उसले पहिलो चरणमा फ्रन्टलाइनरलाई खोप दिनेछ ।