२०८१ साउन ८, मंगलबार
Health Aawaj logo
गृहपृष्ठसमाचारत्रिवि शिक्षण अस्पतालको आइसीयूमा कार्यरत चिकित्सकमाथि हातपात

त्रिवि शिक्षण अस्पतालको आइसीयूमा कार्यरत चिकित्सकमाथि हातपात


काठमाडौं– त्रिवि शिक्षण अस्पतलाको आइसीयूमा कार्यरत चिकित्सकमाथि हातपात भएको छ । बिरामीको उपचारपश्चात मृत्यु भएपछि बिरामीका आफन्तले आवासीय चिकित्सक डा. सविन भण्डारीमाथि हातपात गरेका हुन् ।

त्रिवि शिक्षण अस्पतालका निर्देशक प्राध्यापक डा. दिनेश काफ्लेका अनुसार निमोनिया भएर भेन्टिलेटरमा राखिएको बिरामीको मृत्यु भएपछि आफन्तहरुले डाक्टरमाथि कुटपिट गर्नुको साथै आइसीयू कक्षमा तोडफोड समेत गरेका छन् ।

बिरामीका आफन्तले नाराबाजी गर्न थालेपछि प्रहरी बोलाएर सुरक्षा गरिरहेको उनले बताए । बुटवलमा एकहप्तासम्म आइसीयुमै उपचार गराएर शिक्षण अस्पताल ल्याइएका ती बिरामीमा निमोनिया देखिएपछि फ्लु परीक्षणका लागि टेकु पठाइएको थियो । फ्लु परीक्षण गर्दा कोभिड–१९ पोजेटिभ देखिएपछि कोभिड आइसीयूमा सारिएको निर्देशक काफ्लेले बताए ।

यसअघि आइतबार बिहान पनि कोभिड आइसीयू वार्डमा मादक पदार्थ सेवन गरी चिकित्सक तथा नर्सलाई दुव्र्यवहार गरिएको थियो । लगातार चिकित्सकमाथि हातपात र दुव्र्यहार हुन थालेपछि शिक्षण अस्पतलका चिकित्सकहरुले अबदेखि कोभिडका बिरामीको उपचार नगर्ने भन्दै निर्देशकको कार्यकक्षमा धर्ना दिएका छन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ