काठमाडौं—स्वास्थ्य तथा जनसंख्या मन्त्रालयले पाटन स्वास्थ्य विज्ञान प्रतिष्ठानको कार्यवहाक उपकुलपतिको जिम्मेवारी रेक्टर प्रा. डा. राजेशनाथ गंगोललाई दिएको छ । सोमबार स्वास्थ्य मन्त्री हृदयेश त्रिपाठीले डा. गंगोललाई कार्यबाहक उपकुलपतिको जिम्मेवारी दिएका हुन् ।
कार्यबहाकको जिम्मेवारी पाएका डा. गंगोल सर्जन हुन् ।
यस्तै, पोखरा स्वास्थ्य विज्ञान प्रतिष्ठानको रिक्त उपकुलपतिको पदको जिम्मेवारी डा. नरेन्द्रविक्रम गुरुङलाई दिइएको छ । उनी प्रतिष्ठानमा डिनका रुपमा कार्यरत थिए । डा. गुरुङ पनि सर्जन हुन् ।
पाटन, कर्णाली र पोखरा स्वास्थ्य विज्ञान प्रतिष्ठानको उपकुलपतिको पदावधि आइतबार सकिएको थियो । आइतबार सकिएका तीन वटै प्रतिष्ठानमा उपकुलपतिको कार्यवहाक जिम्मेवारी दिइएको छ ।
कर्णाली स्वास्थ्य विज्ञान प्रतिष्ठानको कार्यवहाक उपकुलपतिको जिम्मेवारी डा. मंगल रावलले पाएका छन् । उनी अर्थोपेडिक सर्जन हुन् ।