२०८१ साउन ९, बुधबार
Health Aawaj logo
गृहपृष्ठसमाचारनेपालमा पहिलो पटक बाल कलेजो प्रत्यारोपण, ११ महिनाका छोरालाई ३५ वर्षीय बुवाले दिए कलेजो

नेपालमा पहिलो पटक बाल कलेजो प्रत्यारोपण, ११ महिनाका छोरालाई ३५ वर्षीय बुवाले दिए कलेजो


काठमाडौं—त्रिवि शिक्षण अस्पतालमा नेपालमै पहिलो बालकमा कलेजो प्रत्यारोपण गरिएको छ । कलेजो प्रत्यारोपण सर्जन प्रा.डा. रमेशसिंह भण्डारीको टोलीले काभ्रेका ११ महिनाको बालकको कलेजो प्रत्यारोपण गरेको हो ।

३५ वर्षीय बुवाले आफ्ना ११ महिनाका छोरालाई कलेजो दिएका हुन् । शनिबार दिउँसो तीन बजेबाट सुरु भएको प्रत्यारोपण राति १२ बजे सकिएको थियो ।

‘झण्डै १० घण्टाभन्दा बढी समय लाग्यो,’ डा. भण्डारीले हेल्थआवाजसँग भने, ‘अहिले बिरामीको अवस्था सामान्य छ ।’

बिरामीका बालकका आफन्तले विदेशमा कलेजो प्रत्यारोपणका लागि प्रधानमन्त्री केपी शर्मा ओलीसँग सहयोग मागेका थिए । त्यसपछि प्रधानमन्त्री ओलीकै उनीहरुलाई नेपालमै कलेजो प्रत्यारोपण गर्न कन्भिन्स गरेका थिए ।

प्रधानमन्त्रीकै पहलमा त्रिवि शिक्षण अस्पतालमा ती बालकको कलेजो प्रत्यारोपण गर्ने व्यवस्था गरिएको थियो । ‘प्रधानमन्त्रीले नै हामी कहाँ बिरामी पठाइदिनुभएको हो,’ डा. भण्डारी भने ।

शिक्षणको कलेजो प्रत्यारोपण टोलीलाई फोर्टिस इण्डियाबाट आएको डा. विवेकसहितको टोलीले सहयोग गरेको थियो ।
डा. भण्डारी नेतृत्वमा नेपालमा भएको यो पाँचौ सफल कलेजो प्रत्यारोपण हो । यसअघि चार पटक त्रिवि शिक्षण अस्पतालमै कलेजो प्रत्यारोपण सम्पन्न भइसकेको छ ।

पछिल्लो समय कोभिड—१९ का कारण केही समय प्रत्यारोपण गर्ने क्रम रोकिएको थियो ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ