२०८० मंसीर १९, मंगलबार
Health Aawaj logo
गृहपृष्ठसमाचारभारतीय खोप ‘कोभ्याक्सिन’लाई नेपालमा आपत्तकालीन प्रयोग अनुमति

भारतीय खोप ‘कोभ्याक्सिन’लाई नेपालमा आपत्तकालीन प्रयोग अनुमति


काठमाडौं—नेपालले भारतीय कम्पनीले बनाएको कोरोना विरुद्धको खोप ‘कोभ्याक्सिन’लाई नेपालमा आपत्तकालीन प्रयोग अनुमति दिएको छ । शुक्रबार औषधि व्यवस्था विभागले भारतीय कम्पनी भारत बायोटेकले उत्पादन गरेको कोभ्याक्सिनलाई आपतकालीन प्रयोग अनुमित दिएको हो ।

औषधि व्यवस्था विभागकाअनुसार भारत बायोटेकले भारतका २६ हजार नागरिकमा तेस्रो चरणको ट्रायल पनि पूरा गरेको गरिएको विवरण पेश गरेपछि उक्त खोपलाई नेपालमा अनुमति दिइएको हो ।

यसअघि भारत बायोटेकको उक्त खोप नेपालमा पनि परीक्षण गरेको गलत सूचना चुहाएको थियो । भारतीय प्रधानमन्त्री नरेन्द्र मोदीले पनि लगाएको यो खोप ८१ प्रतिशत प्रभावकारी रहेको दावी कम्पनीले गर्दै आएको छ ।

यो खोपलाई आपतकालीन प्रयोगको अनुमति दिने नेपाल तेस्रो देश हो । यसअघि यो खोपलाई भारत र जिम्बावेले आपतकालीन प्रयोगका लागि अनुमति दिएका थिए ।

यसअघि नेपालमा अक्सफोर्ड—एस्ट्राजेनेकाले विकास गरेको खोप ‘कोभिशिल्ड’ अभियानकै रुपमा चलाइएको छ । उक्त खोप भारतको सेरम इन्स्टिच्युट अफ इण्डियाले उत्पादन गरेको हो ।

सरकारले चीनको सिनोफार्मले उत्पादन गरेको कोभिड—१९ विरुद्धको भ्याक्सिन‘सिनोभ्याक’लाई पनि परीक्षणको अनुमित दिइसकेको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ