काठमाडौं – नेपालमा एकैपटक १ हजार २ सय ८१ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा विभिन्न जिल्लामा गरी ७ हजार ५ सय ४८ वटा नमुना परीक्षण गर्दा १ हजार २ सय ८१ जनामा संक्रमण पुष्टि भएको हो ।
केही दिन यता नेपालमा पनि कोभिड १९ को संक्रमण तीब्र बनिरहेको छ । काठमाडौँ उपत्यकामा मात्र ६ सय ३४ जना संक्रमित थपिएका छन् । जसमध्ये भक्तपुरमा ३२, ललितपुरमा ९७ जना र सबैभन्दा बढी काठमाडौँ ५ सय ५ जनामा कोरोना पुष्टि भएको हो ।
यससंगै नेपालमा संक्रमितको संख्या २ लाख ८५ हजार ९ सय पुगेको छ ।
यस्तै, पछिल्लो २४ घण्टामा २ सय ५५ जना संक्रमित निको भएका छन् । यससँगै कोरोनामुक्त हुने संख्या २ लाख ७५ हजार ५ सय ५५ पुगेको छ ।
यस्तै, पछिल्लो २४ घण्टामा १ जना संक्रमितले ज्यान गुमाएका छन् । यससँगै नेपालमा ज्यान गुमाउने संक्रमितको संख्या ३ हजार ९१ पुगेको छ ।
