थप ७२१९ जना कोभिड-१९मुक्त, १०१को मृत्यु

काठमाडौँ  – थप ५ हजार ३ सय १६ जनामा कोभिड-१९ पुष्टि भएको छ। पछिल्लो २४ घण्टामा थप ५ हजार ३ सय १६ जनामा संक्रमण पुष्टि भएको स्वास्थ्य  मन्त्रालयले जनाएको छ ।

मन्त्रालयका अनुसार बुधबार काठमाडौँ उपत्यकामा १४५६ जनामा कोभिड-१९ संक्रमण पुष्टि भएको छ । जसअनुसार काठमाडौँमा ९६९, ललितपुरमा ३०६ र भक्तपुरमा १८१ जनामा संक्रमण पुष्टि भएको छ ।

 त्यस्तै, गत २४ घण्टामा ७ हजार २ सय १९ जना कोरोना संक्रमित डिस्चार्ज भएका छन् ।

यता, पछिल्लो २४ घण्टामा १०१ जनाको मृत्यु भएको जनाएको छ । सक्रिय संक्रमितको संख्या १ लाख १ हजार ९ सय ९३ पुगेको छ ।