१९ दिनमै पदमुक्त भए स्वास्थ्यमन्त्री तामाङ

काठमाडौँ – स्वास्थ्य तथा जनसंख्यामन्त्री शेरबहादुर तामाङ १९ दिन पनि नवित्दै पदमुक्त भएका छन् । मंगलबार सर्वोच्च अदालतले मन्त्रिपरिषद विस्तारविरुद्ध परेको रिटमाथि सुनुवाई गर्दै तत्काल कार्यान्वयन नगर्न अन्तरिम आदेश दिएपछि स्वास्थ्यमन्त्री तामाङ स्वत: पदमुक्त भएका हुन् ।

वरिष्ठ अधिवक्ता दिनेश त्रिपाठीले दायर गरेको रिटमाथि सुनुवाई गर्दै प्रधानन्यायाधीश चोलेन्द्र शमशेर राणा र न्यायाधीश  प्रकाश ढुंगानाको संयुक्त इजालासले मन्त्रिपरिषद विस्तारको निर्णय तत्काल कार्यान्वयन नगर्न अन्तरिम आदेश दिएको हो ।

प्रधानमन्त्री केपी शर्मा ओलीले २१ जेठमा तामाङलाई स्वास्थ्यमन्त्रीमा नियुक्त गरेका थिए । उक्त मन्त्रिपरिषद विस्तारमा जनता समाजवाद पार्टीबाट आठ जना मन्त्री र दुई राज्यमन्त्री थपिएका थिए । भने, एमालेबाट दुईजना मन्त्री थपिएका थिए ।