विदेशमा इन्टर्नसीप पूरा गर्न नपाएका चिकित्सा शिक्षाका विद्यार्थीबाट आवेदन माग

काठमाडौं—विदेशमा चिकित्सा शिक्षा अध्ययन गरेर कोभिड-१९ का कारण इन्टर्नसीप पूरा गर्न नपाएका चिकित्सा शिक्षाका विद्यार्थीहरुबाट आवेदन माग गरिएको छ । बुधबार एक सूचना जारी गर्दै चिकित्सा शिक्षा आयोगले उनीहरुलाई थप इन्टर्नसीप नेपालमै गर्ने प्रयोजनका लागि आवेदन माग गरेको हो ।

आयोगले २०२० को अप्रिल महिनाको अन्तसम्ममा अन्तिम परीक्षा उत्तीर्ण गरेर नेपालमा नै बाँकी अवधि पूरा गर्ने व्यवस्था मिलाउन आयोगले आवेदन माग गरेको हो । यसअघि आयोगको कार्यकारी समितिको १५ असारमा बसेको बैठकले नेपालमै इन्टर्नसीपको व्यवस्था गर्नका लागि व्यवस्थापन समिति गठन गरेको थियो ।

त्यही इन्टर्नसीप व्यवस्थापन समितिको २१ असारमा बसेको बैठकले विदेशमा चिकित्सा शिक्षा अध्ययनरत विद्यार्थीको कोभिड-१९ का कारण इन्टर्नसीप पूरा नभएको भए इन्टर्नसीप पूरा गर्न इच्छुक विद्यार्थीबाट आवेदन माग गरेको हो ।

आवेदन २४ असारबाट ५ साउनसमम्म अनलाइनमार्फत भर्नुपर्नेछ । आवेदनका लागि १५ हजार शुल्क तिनुपर्नेछ ।