देशभर थप १८७५ जनामा कोभिड-१९ पुष्टि, २९को मृत्यु

काठमाडौँ – देशभर थप १ हजार ८ सय ७५ जनामा कोभिड-१९ पुष्टि भएको छ। स्वास्थ्य तथा जनसंख्या मन्त्रालयका अनुसार  पछिल्लो २४ घण्टामा थप थप १ हजार ८ सय ७५ जनामा कोभिड-१९ पुष्टि भएको हो।

मन्त्रालयका अनुसार  पछिल्लो २४ घण्टामा १ हजार २ सय ८६  जना संक्रमित निको भएका छन् भने  थप २९ जना संक्रमितले ज्यान गुमाएका छन्।

हालसम्म नेपालमा कोभिड-१९का कारण ज्यान गुमाउनेको संख्या ९ हजार ३ सय २० र निको हुने संख्या ६ लाख १५ हजार ६ सय १३ पुगेको छ ।