देशभर थप २९३६ जनालाई कोभिड-१९ संक्रमण पुष्टि, ४३ को मृत्यु

काठमाडौं – देशभर थप २ हजार ९ सय ३६ जनालाई कोभिड-१९ संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा थप २ हजार ९ सय ३६ जनालाई संक्रमण पुष्टि भएको हो ।

यस्तै, पछिल्लो २४ घण्टामा १ हजार ७ सय ७५ जना निको भएका छन् भने ४३ जना संक्रमितको मृत्यु भएको छ।

हालसम्म कोभिडका कारण ज्यान गुमाउने संख्या ९ हजार ५ सय ६ पुगेको छ भने उपचारपछि निको हुने संख्या ६ लाख २८ हजार २ सय ४३ पुगेको छ।