भोलिबाट लामो दुरीको यातायात सञ्चालन गर्न दिइने

काठमाडौं – सरकारले लामो दूरीको सार्वजनिक यातायात सञ्चालन गर्न दिने भएको छ। काठमाडौं जिल्ला प्रशासन कार्यालयले सूचना जारी गरी शनिबारबाट लामो दुरीको सवारीसाधन सञ्चालन गर्न दिइने जनाएको हो ।

४ साउनको मन्त्रिपरिषदको निर्णयअनुसार देशका विभिन्न क्षेत्रबाट लोकसेवा र विश्वविद्यालयका परिक्षार्थीको आवातजावतलाई सहजीकरण गराउनको लागि लामो दुरीको यातायात सञ्चालनमा ल्याउन अनुमति दिएको प्रशासकीय अधिकृत लक्ष्मीकुमारी शाहीले जारी गरेको सूचनामा उल्लेख छ।

अधिकृत शाहीका अनुसार यातायात व्यवसायीहरुले स्वास्थ्यको मापदण्ड पालना गराइ यातायात सञ्चालनमा ल्याउन सक्ने छन् भने लामो दूरीमा यात्रा गर्नेलाई अनिवार्य टिकट काउन्टरबाट टिकट खरिद गरेर यात्रा गर्न प्रशासनले अनुरोध गरेको छ।

कोभिड-१९ नियन्त्रणका लागि काठमाडौं उपत्यकामा जारी गरिएको निषेधाज्ञा भने साउन १० गते मध्यरातसम्म कायमै छ ।