उमेश श्रेष्ठ स्वास्थ्य राज्यमन्त्री नियुक्त

काठमाडौं—व्यवसायी उमेश श्रेष्ठ स्वास्थ्य तथा जनसंख्या राज्यमन्त्री नियुक्त भएका छन् । आइतबार प्रधानमन्त्री शेरबहादुर देउवाको सिफारिसमा राष्ट्रपति विद्यादेवी भण्डारीले श्रेष्ठलाई स्वास्थ्य राज्यमन्त्रीमा नियुक्त गरेकी हुन् ।

उनी हात्तीवनस्थित लिटिल एन्जल्स स्कुलका संस्थापक तथा अध्यक्ष हुन् । श्रेष्ठको अन्य विभिन्न क्षेत्रमा पनि लगानी रहेको छ । उनी नेपाली कांग्रेसबाट समानुपातिक सांसद हुन् ।

स्वास्थ्य मन्त्री नहुँदा कोभिड—१९ प्रतिकार्य प्रभावकारी नभएको आवाज उठिरहेका बेला प्रधानमन्त्री देउवाले राज्यमन्त्री नियुक्त गरेका हुन् ।

स्वास्थ्य मन्त्रीको जिम्मेवारी भने प्रधानमन्त्रीले आफैसँग राखेका छन् ।