देशभर थप १७५६ जनामा कोभिड पुष्टि, २३को मृत्यु

काठमाडौं—नेपालमा थप १ हजार ७ सय ५६  जनामा कोभिड-१९ संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप १ हजार ७ सय ५६  जनामा कोभिड-१९ संक्रमण पुष्टि भएको हो ।

यस्तै, पछिल्लो २४ घण्टामा २ हजार २ सय ७४  जनाले कोभिड-१९ को संक्रमण जितेका छन् ।

मन्त्रालयकाअनुसार पछिल्लो २४ घण्टामा कोभिड-१९ को संक्रमणबाट २३ जनाको मृत्यु भएको छ । यससँगै हालसम्म १०हजार ८ सय ९ जनाको मृत्यु भएको छ।

शुक्रबार देशभर ३३ हजार ६ जना सक्रिय संक्रमित रहेका छन्।