२०७८ असोज ३०, शनिबार
Health Aawaj logo
गृहपृष्ठसमाचारपूर्वाञ्चल क्यान्सर अस्पतालमा १ महिनामा २ हजार जनाको निःशुल्क पाठेघर र स्तन क्यान्सर परीक्षण

पूर्वाञ्चल क्यान्सर अस्पतालमा १ महिनामा २ हजार जनाको निःशुल्क पाठेघर र स्तन क्यान्सर परीक्षण


झापा-बिर्तामोडस्थित पूर्वाञ्चल क्यान्सर अस्पतालले २ हजार ८७ जना महिलाको निःशुल्क पाठेघरको मुख र स्तन क्यान्सरकाे स्क्रीनिङ्ग गरेको छ ।

अस्पताल परिषरमा ६ भाद्रदेखि ३१ भाद्र सम्म संचालन भएको निःशुल्क स्वास्थ्य शिविर कार्यक्रममा विशेषज्ञ चिकित्सकहरुबाट ओपिडी सेवा दिनुका साथै क्यान्सर सम्बन्धी अन्य सेवा पनि उपलब्ध गराएकाे अस्पतालका जनसम्पर्क प्रमुख प्रमिश गिरीले जानकारी दिए ।

स्वास्थ्य शिविरमा  पाठेघरको मुखको क्यान्सर छ/छैन या भविष्यमा हुन सक्छ/सक्दैन भनेर हेरिने प्याप स्मेयर ३ सय २३ जनामा गरिएको थियो । त्यसैगरी १ सय ४१ जनाको मेमोग्राम गरी स्तन क्यान्सर भए नभएको परीक्षण गरिएको थियो ।

२९ जनाको पेटको क्यान्सर हेर्न क्लोनोस्कोपीबाट परीक्षण गरीएको थियो । शिविरमा आएका ५ सय ३७ जनाका सिए १२५ परीक्षण गरिएको अस्पतालले जनाएको छ । त्यस्तै  ५५ जनाको डेक्सा स्क्यान गरिएकाे गिरीले बताए ।

अस्पतालका प्रमुख कार्यकारी निर्देशक डा. निराजन प्रसाईले १० हजार महिलाको नि:शुल्क पाठेघरको क्यान्सरको परीक्षण गर्ने लक्ष्य राखेको बताए । उनले अस्पतालले आह्वान गरेको पहिलो अभियानमा नै २ हजार भन्दा बढी महिला आएर सेवा लिनु उत्साहजनक रहेको समेत बताए ।

‘हाम्रोमा अझै पनि महिलाहरु लाजले रोग लुकाएर बस्छन, त्यही कारण क्यान्सर अन्तिम चरण पुगेपछि मात्र अस्पताल जादा पैसा र मान्छे दुवै सकिन्छ,’ उनले भने, ‘यस्तो परिवेसमा एक महिनामा २ हजार महिलामा क्यान्सर जाच गराउनुपर्छ भन्ने चेतना आएर जाच गराउनु उत्साहजनक कुरा हो ।’


क्याटेगोरी : समाचार
ट्याग : #डा निराजन प्रसाइ, #पुर्वाञ्चल क्यान्सर अस्पताल


तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)