उर्वरता सम्बन्धि उपचार गर्ने पुरुषमा प्रोटेस्ट क्यान्सरको जोखिम उच्च

उर्वरता सम्बन्धि उपचार गर्ने पुरुषमा प्रोटेस्ट क्यान्सरको उच्च जोखिम रहेको एक पछिल्लो अध्ययनले देखाएको छ । स्वीडेनमा गरिएको अध्ययनले पुरुषको उर्वरता सम्बन्धि उपचार र प्रोस्टेट क्यान्सरको सम्बन्धलाई दर्शाएको हो । ब्रिटिश मेडिकल जर्नलमा प्रकाशित सो अध्ययन अनुसार पछिल्लो २० वर्ष माथिका १२ लाख गर्भको अध्ययनपछि अनुसन्धानकर्ताहरु यस्तो निस्कर्षमा पुगेका हुन ।

पुरुष बाझोपनमा प्रयोग हुने उपचार पक्रिया आइसीएसआई गरेका व्यक्तिमा प्रोटेस्ट क्यान्सरको जोखिम उच्च देखिन्थ्याने । तर, बेलायतको प्रोटेस्ट क्यान्सर युकेले अनुसन्धानकर्ताहरुले निस्कर्ष निकाल्नुअघि सबै उमेर समूहलाई समेट्नुपर्ने बताएको छ ।
स्वीडेनको लुन्ड युनिर्भसिटीका अनुसन्धानकर्ताहरुले नेसनल वर्थ एन्ड क्यान्सर रजिर्टसबाट तथ्यांक विश्वलेषण गरेका थिए ।

उनीहरुले सन् १९९४ देखि २०१४ को बिचको १० लाख जन्म र क्यान्सरका घटनाको अध्ययन गरेका थिए । सो अवधिमा अधिकांश शिशु (९७ प्रतिशत) स्वभाविक रुपमा जन्मिएका थिए भने २० हजार ६ सय १८ (१.७५ प्रतिशत) आईभीएफविधिबाट जन्मिएका थिए ।

१४ हजार ८ सय ८२ (१ दशमलब ३ प्रतिशत) जन्म आईसीएसआईबाट भएको थियो । आइसीइएसआईमा एउटा राम्रो गुणस्तको वीर्य छनौट गरी अन्डामा सिधै राखिन्छ । आईसीएसआई प्रविधि स्वीडेनमा सर्वप्रथम सन् १९९२ मा प्रयोग गरिएको थियो ।

-एजेन्सी