काठमाडौं—विपी कोइराला मेमोरियल क्यान्सर अस्पताल भरतपुरका १५ चिकित्सकसहित १५ जनाको बढुवा भएको छ । २५ माघमा बसेको अस्पताल पदपूर्ति समितिको बैठकले कन्सल्ट्यान्ट चिकित्सकसहित १५ जनाको बढुवा गरेको हो ।
जसमा सिनियर कन्सल्ट्यान्ट १२ औं तहमा ५ चिकित्सकहरु बढुवा भएका छन् । जसमा डा. विजयचन्द्र आचार्य, डा. कृष्णसागर शर्मा, डा. सुरेश श्रेष्ठ, डा. अनिलविक्रम कार्की, डा. जया श्रेष्ठ रहेका छन् ।
यस्तै, जुनियर कन्सल्ट्यान्ट अधिकृत/दशौं तह सर्जिकल अंकोलोजी (इएनटी हेड एण्ड नेक सर्जरी) डा. अमर श्रेष्ठ र डा. सदिक्षा अधिकारीको बढुवा भएको छ भने जुनियर कन्सल्ट्यान्ट अधिकृत/दशौं तह (मेडिकल अंकोलोजी जनरल मेडिसिन)मा डा. गुरुशरण शाहको बढुवा भएको छ ।
यसैगरी, जुनियर कन्सल्ट्यान्ट अधिकृत/दशौं प्याथालोजीमा डा. ग्रेता पाण्डे बढुवा भएकी छन् भने जुनियर कन्सल्ट्यान्ट अधिकृत/दशौं एनेस्थेसियालोजीमा डा. योगेश रेग्मीको बढुवा भएको छ ।
यस्तै, जुनियर कन्सल्ट्यान्ट अधिकृत/दशौं मेडिकल अंकोलोजी (पेडियाट्रिक मेडिसिन)मा डा. निभा तिवारी र जुनियर कन्सल्ट्यान्ट अधिकृत/दशौं सर्जिकल अंकोलोजी (ब्रेस्ट सर्जरी)मा डा. दिपक सिंह मौनी बढुवा भएका छन् । यस्तै, जुनियर कन्सल्ट्यान्ट अधिकृत/दशौं तह रेडियो डाइग्नोष्टिक एण्ड इमेजिङमा डा. नितु शर्मा बढुवा भएकी छन् ।
