काठमाडौं—स्वास्थ्य तथा जनसंख्या मन्त्रालयले ‘गुणस्तरीय स्वास्थ्य सेवा, हाम्रो प्रतिवद्धता’ भन्ने नाराका साथ स्वास्थ्य सेवा दिवस, २०७८ मनाइरहेको छ । आइतबार मन्त्रालयको प्राणगणमा स्वास्थ्य सेवा दिवसका अवसरमा मूल समारोहको आयोजना गरिएको छ ।
उक्त समारोहको अध्यक्षता मुख्य सचिव शंकरदास वैरागीले गरेका छन् । स्वास्थ्य तथा जनसंख्या मन्त्री विरोध खतिवडाको अभिभावकत्वमा उक्त समारोह आयोजना भइरहेको छ ।
कार्यक्रममा स्वास्थ्य तथा जनसंख्या राज्यमन्त्री भवानी खापुङ, स्वास्थ्य तथा जनसंख्या सचिव देवकुमारी गुरागाई, स्वास्थ्य सेवा विभागका महानिर्देशक डा. दीपेन्द्ररमण सिंह, प्रमुख विशेषज्ञहरु डा. गुणराज लोहनी र श्यामसुन्दर यादव उपस्थित रहेका छन् ।
स्वास्थ्य सेवा दिवसको अवसरमा आयोजित उक्त मूल समारोहमा स्वास्थ्य मन्त्रालय, स्वास्थ्य सेवा विभाग, आयुर्वेद तथा वैकल्पिक चिकित्सा विभाग, प्रतिष्ठानहरु, केन्द्रीय अस्पतालका कर्मचारीहरुको समेत उपस्थिती रहेको छ ।