चिकित्सा शिक्षा आयोगले भन्यो, ‘रोल नम्बर राम्रोसँग नलेखेका विद्यार्थीको परीक्षा रद्ध भएको हो’

काठमाडौं—चिकित्सा शिक्षा आयोगले एकीकृत प्रवेश परीक्षामा रोल नम्बर राम्रोसँग नलेखेका विद्यार्थीहरुको परीक्षा रद्ध भएको जनाएको छ । १६ चैतमा आयोगले विज्ञप्ति प्रकाशित गर्दै रोन नम्बर नलेखेका, रोल नम्बर बबल नभरेका, गलत भरेका र प्रश्नपत्र सेटको बबल उत्तरपुस्तिका नभरेका विद्यार्थीहरुको परीक्षा स्वतः रद्ध भएको जनाएको छ ।

यसअघि विद्यार्थी परीक्षा दिएको तर नतिजा प्रकाशित नभएको भन्दैं आयोगले निकालेको नतिजाप्रति प्रश्न उठाउँदैं आएका थिए । आयोगको नतिजाप्रति प्रश्न उठेपछि आयोगले विज्ञप्ति नै जारी गरेर स्पष्टीकरण दिएको हो ।