स्वास्थ्य राज्यमन्त्री हीराचन्द्र केसी भुटान प्रस्थान

काठमाडौं—स्वास्थ्य तथा जनसंख्या राज्यमन्त्री हीराचन्द्र केसी भुटान प्रस्थान गरेका छन् । आइतबार ‘डब्लुएचओ क्षेत्रीय समितिको दक्षिणपूर्व एसियाको ७५ औं अधिवेशन’ मा सहभागी हुन स्वास्थ्य राज्यमन्त्री केसी भुटान प्रस्थान गरेका हुन् ।

अधिवेशनमा स्वास्थ्य सचिव डा.रोशन पोखरेल, अतिरिक्त सचिव डा. संगीता कौशल मिश्रा, उपसचिव मोहन निरौला, स्वास्थ्य सेवा विभागअन्तर्गत परिवार कल्याण महाशाखाका निर्देशक डा.विवेककुमार लाल गएका छन् ।

सो अधिवेशनमा दक्षिण एसियाली मुलुकका स्वास्थ्य मन्त्रीहरू सहभागी हुनेछन् । स्वास्थ्य राज्यमन्त्रीसहितका अधिकारी २३ भदौंमा स्वदेश फर्किने कार्यक्रम छ ।