सिन्धुपाल्चोक–२ मा पूर्व स्वास्थ्यमन्त्री तामाङलाई पराजित गर्दै बस्नेत विजयी

चौतारा— सिन्धुपाल्चोक २ बाट प्रतिनिधीसभामा नेपाली कांग्रेसका मोहनबहादुर बस्नेत विजयी भएका छन् । उनले पूर्व स्वास्थ्यमन्त्री समेत रहेका नेकपा एमालेका उम्मेदवार शेरबहादुर तामाङलाई पराजित गरेका हुन् ।

बस्नेत भारी मतान्तरले विजयी भएका हुन् । उनले ३९ हजार तीन सय ६७ प्राप्त गरे । तामाङले २७ हजार चार सय ९३ मत ल्याएको जिल्ला निर्वाचन अधिकारी विकास रिजालले जानकारी दिए । बस्नेतले ११ हजार ८ सय ७४ मतान्तरले तामाङलाई पराजित गरेका हुन् ।

सिन्धुपाल्चोक–२ मा कांग्रेसले ६४ वर्षपछि कमब्याक गरेको हो ।