२०८१ साउन ८, मंगलबार
Health Aawaj logo
गृहपृष्ठसमाचारभारतद्वारा २०० थान मिर्गौला डायलाइसिस मेसिन सहयोग

भारतद्वारा २०० थान मिर्गौला डायलाइसिस मेसिन सहयोग


काठमाडौँ – भारतले नेपाललाई  २ सय थान मिर्गौला डायलाइसिस मेसिन प्रदान गरेको छ । नेपाल र भारतको कूटनीतिक सम्बन्ध कायम भएको ७५ वर्ष पुगेको अवसर पारेर आयोजित कार्यक्रममा उक्त मेसिन नेपालका लागि भारतीय राजदूत श्री नविन श्रीवास्तवले स्वास्थ्य तथा जनसङ्ख्या मन्त्री पदम गिरीलाई हस्तान्तरण गरे ।

मन्त्री गिरीले धेरै मानिसले समयमै डायलाइसिस सेवा नपाइरहेको अवस्थामा भारत सरकारबाट प्राप्त २ सय थान डायलाइसिसले धेरै हदसम्म समस्या हटाउने बताए । ‘हामीले आवश्यक ठाउँमा यी मेसिनलाई पु¥याउन सकेमा डायलाइसिसका लागि समय पर्खिनु पर्ने समस्या हट्छ’, उनले भने, ‘भूकम्प र कोभिड पछिको अवस्थामा भारत सरकारको सहयोग उल्लेखनीय छ । नेपालको स्वास्थ्य तथा पूर्वाधार विकासको क्षेत्रमा भारतले गरेको सहयोग स्मरणीय छ ।’

मन्त्री गिरीले नेपाल र भारतबिच सरकार–सरकारमा मात्र नभई जनतामाझ पनि सामाजिक र आर्थिक रूपले घनिष्ठ सम्बन्ध रहेको बताए । ‘भारतले पनि छिमेकीलाई प्राथमिकता दिने नीति लिएको छ । यो हाम्रो लागि खुसीको कुरा हो । यही कारण हामी लामो समयदेखि सहकार्य गरिरहेका छौँ । भारतबाट स्वास्थ्य क्षेत्रमा सुधार गर्नका लागि जुन सहयोग आएको छ, त्यो सहयोग हाम्रा लागि अमूल्य छ’, गिरीले भने ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ