बिदा स्वीकृत नगराएर डा. केसी ४३ दिन गायब, गृहमा हाजिर हुन ७ दिने म्याद

काठमाडौं—गृह मन्त्रालयले बिदा स्वीकृत नगराएर ४३ दिन गायब भएपछि डा. समिर केसीलाई ७ दिन भित्र मन्त्रालयमा सफाइ पेश गर्न निर्देशन दिएको छ । २६ बैशाखमा गृहले सचिवस्तरीय निर्णय गर्दै नेपाल एपीएफ अस्पताल बलम्बु कार्यरत डा. केसीलाई बाटोको म्यादबाहेक ७ दिनभित्र मन्त्रालयमा सफाइ पेश गर्न निर्देशन दिएको हो ।

प्राविधिक सशस्त्र प्रहरी निरिक्षकमा कार्यरत डा. केसी १२ चैत २०७८ बाट अस्पतालमा उपस्थित भएका छैनन् । उनले विदा पनि नलिएको गायब भएपछि विभागीय कारवाही अगाडि बढाउन गृहले सूचना जारी गरेको हो ।
काभ्रेका डा. केसीसँग सम्पर्क समेत स्थापित हुन नसकेको गृहले जनाएको ।

‘तपाई पदीय आचरण विपरीत कार्य गरेकाले सशस्त्र प्रहरी नियमावली, २०७२ को नियम ११३ को उपनियम (१) को खण्ड (ज) ‘बिदा स्वीकृत नगराई लगतार १५ दिनसम्म आफ्नो कार्यालयमा अनुपस्थित रहेमा’ अनुसारको कसूरमा ऐ नियमावलीको ११० को खण्ड (ख) १ बमोजिम ‘भविष्यमा सरकारी सेवामा अयोग्य नठहरिने गरी हटाउने’ विभागीय कारवाही गर्न लागिएको व्यहोरा सूचित गरिन्छ,’ सूचनामा भनिएको छ ।