प्रधानमन्त्री दाहाल र विश्व स्वास्थ्य संगठनका महानिर्देशक डा. टेड्रोसबीच भेटवार्ता

काठमाडौं—प्रधानमन्त्री पुष्पकमल दाहाल र विश्व स्वास्थ्य संगठन (डब्लूएचओ)का महानिर्देशक डा. टेड्रोस अधानोम गेब्रेयससबीच भेटवार्ता भएको छ । बिहीबार राष्ट्रसंघको महासभामा भाग लिन न्युयोर्क पुगेका प्रधानमन्त्री दाहाल र डा. टेड्रोसबीच भेटवार्ता भएको हो ।

प्रधानमन्त्री दाहाल र डा. टड्रोसबीच न्युयोर्कस्थित संयुक्त राष्ट्रसंघको मुख्यालयमा भेटवार्ता भएको हो । भेटका क्रममा नेपाल र डब्लूएचओबीचको सहकार्य, आपसी सहयोगलगायतका विविध क्षेत्रमा छलफल भएको थियो ।

‘भेटमा नेपाल र डब्लूएचओ बीच हुँदैं आएका आपसी सहयोगका विविध क्षेत्रबारे छलफल हुनुका साथै जनस्वास्थ्यका विभिन्न विषयमा अझ प्रभावकारी सहकार्य गर्ने समझदारी बनेको छ,’ दाहालको आधिकारिक ट्वीटरमा भनिएको छ ।