गृह मन्त्रालयद्वारा चार महिनादेखि सम्पर्कविहीन डाक्टरको खोजी, एक हप्ताभित्र हाजिर हुन निर्देशन

काठमाडौं– गृह मन्त्रालयले चार महिनादेखि सम्पर्कविहीन डाक्टरलाई एक हप्ताभित्र कार्यालयमा हाजिर हुन निर्देशन दिएको छ । मन्त्रालयले सुदूरपश्चिम प्रदेश प्रहरी अस्पतालमा कार्यरत प्राविधिक प्रहरी निरीक्षक डा केशव श्रेष्ठ र नेपाल प्रहरी अस्पतालको सर्जिकल शाखामा कार्यरत प्राविधिक प्रहरी निरीक्षक डा बालकृष्ण ज्ञवालीलाई ७ दिनभित्र हाजिर हुन निर्देशन दिएको हो ।

डा श्रेष्ठ गत जेठ २९ गतेदेखि र डा ज्ञवाली गत जेठ १६ गतेदेखि सम्पर्कविहीन छन् । अबको ७ दिनभित्र स्पष्टीकरणसहित कार्यालयमा हाजिर नभए प्रहरी नियमावली २०७१ को नियम ११३ को खण्ड (च)को कसुर अनुसार कारबाही हुने मन्त्रालयले जनाएको छ ।