काठमाडौं—सरकारले स्वास्थ्य तथा जनसंख्या मन्त्रालयको रिक्त रहेको प्रशासनतर्फको सचिवमा मधुसुदन बुर्लाकोटीलाई पठाएको छ । गत बिहीबारको क्याबिनेट बैठकले बुर्लाकोटीलाई स्वास्थ्य मन्त्रालयको प्रशासनतर्फको सचिवको जिम्मेवारी दिएको हो ।
उपराष्ट्रपति कार्यालयमा कार्यरत सचिव बुर्लाकोटीले आफूले स्वास्थ्य मन्त्रालय सरुवा भएको पत्र बुझिसकेको बताए । ‘मैले पत्र बुझिसके,’ उनले भने, ‘अब एक दुई दिनमा स्वास्थ्यमा हाजिर हुन्छु ।’
पत्र बुझेसँगै मंगलबार बुर्लाकोटीले उपप्रधान, स्वास्थ्य तथा जनसंख्या मन्त्री उपेन्द्र यादवलाई आएर भेटेका छन् ।
यसअघि पनि बुर्लाकोटी लामो समय स्वास्थ्यमा सह—सचिवको रुपमा काम गरेका हुन् ।
स्वास्थ्य मन्त्रालयकी स्वास्थ्य सचिव देवकुमारी गुरागाई अनिवार्य अवकास पाएसँगै प्रशासनतर्फको सचिवको पद खाली रहेको थियो ।
