गर्भवतीलाई हेलिकप्टरमार्फत उद्धार गरेर सुर्खेत ल्याइयो

वीरेन्द्रनगर—जाजरकोटकी एक गर्भवतीलाई हेलिकप्टरमार्फत उद्धार गरेर सुर्खेत ल्याइएको छ । मंगलबार कुशे गाउँपालिका–४ टाँगाचौरकी १८ वर्षीया निशा रोकायालाई प्रसुति गराउन हेलिकप्टरमार्फत सुर्खेत ल्याइएको हो ।

व्यथा लागेपनि स्थानीय स्वास्थ्य चौकीमा प्रसुति गराउन नसकिएपछि उनलाई हेलिकप्टरमार्फत उद्धार गरिएको जिल्ला प्रहरी कार्यालय जाजरकोटले जनाएको छ ।

नेपाली सेनाको हेलिकप्टरमार्फत उनलाई कर्णाली प्रदेश अस्पताल सुर्खेतमा ल्याइएको छ ।