सुनसरीमा ट्रक र एम्बुलेन्स ठोक्किदा एम्बुलेन्समा सवार ६ जनाकै मृत्यु

इटहरी—सुनसरीको हरिहरपुरमा एम्बुलेन्स र ट्रक एकआपसमा ठोक्किदा ६ जनाको मृत्यु भएको छ । शनिबार राति १ बजेतिर पूर्व पश्चिम राजमार्गअन्तर्गत सुनसरीको हरिहरपुरमा एम्बुलेन्स र ट्रक एकआपासमा ठोक्किएका थिए ।

दुर्घटनामा उदयपुरको त्रियुगा नगरपालिका–१० बोक्सेका एकै परिवारका पाँचसहित ६ को मृत्यु भएको प्रहरीले जनाएको छ । मृत्यु हुनेमा बोक्सेका २८ वर्षीय टेकेन्द्र राई, ५० वर्षीय तुलाबहादुर राई, ३४ वर्षीय दुर्गाधन राई, ३५ वर्षीय उद्धव राई र ३२ वर्षीय दिनेश राई रहेका छन् भने एम्बुलेन्स चालक त्रियुगा–७ राजाबासका राजेश दनुवारको पनि मृत्यु भएको एम्बुलेन्स चालक संघ उदयपुरका अध्यक्ष आलमले बताए ।

विराटनगर मोडल अस्पतालमा उपचारत ७५ वर्षीया शिवमाया राईको मृत्यु भएपछि को१त ९३६४ नम्बरको एम्बुुलेन्सबाट मृतक लिएर आउने क्रममा पश्चिमबाट आउँदै गरेको ना२ख ९०८२ नं.को ट्रकले एम्बुलेन्समा ठक्कर दिएपछि एम्बुलेन्समा सवार सबैको मृत्यु भएको हो । अहिले प्रहरीले फरार ट्रक चालकको खोजी गरिरहेको छ । मृतक सबैको शव इनरुवा राखिएको छ ।