इटहरीको स्वास्थ्य शिविरमा १ सय बढीको स्वास्थ्य परीक्षण

इटहरी—सुनसरीको इटहरी उपमहानगर—६ ले जेष्ठ नागरिकका लागि गरेको स्वास्थ्य शिविरमा १ सय १० जनाको स्वास्थ्य परीक्षण गरिएको छ ।

जेष्ठ नागरिकको लागि छाला, कपाल, यौनरोग र कुष्ठरोग परीक्षण शिविर गरिएको वडाध्यक्ष दीपक गौतमले बताए ।

स्वरा स्किन एण्ड हेयर क्लिनिकका डा. मनोज चौधरीले स्वास्थ्य परीक्षण गरेका थिए । बिरामीलाई उपलब्ध औषधी निःशुल्क वितरण गरिएको छ ।

धेरैजसोमा छाला चिलाउने इग्जिमाको समस्या देखिएको डा. चौधरीले बताए । डा. चौधरीका अनुसार दाद, पोतो, चायाँ र नङको समस्या हुने पनि धेरै जनाको परीक्षण गरिएको छ ।