स्वास्थ्य मन्त्रालयको ५ महिनादेखि खाली प्रशासन सह-सचिवमा विष्ट आउदै

काठमाडौ–स्वास्थ्य तथा जनसंख्या मन्त्रालयमा पाच महिनादेखि रिक्त रहेको प्रशासनतर्फको सह-सचिवमा कृषि तथा पशुपन्छी विकास मन्त्रालयका सहसचिव रधुराम विष्ट आउने भएका छन् ।

सोमबार बसेको मन्त्रिपरिषद बैठकले विष्टलाई स्वास्थ्य मन्त्रालयमा पठाउने निर्णय गरेको हो । सहसचिव विष्टले यसअघि पनि स्वास्थ्य तथा जनसंख्या मन्त्रालयको कर्मचारी प्रशासन प्रमुखको रुपमा कार्यभार स्म्हालिसकेका छन् ।

गत भदौमा मन्त्रालयको जनसंख्या महाशाखा प्रमुख रहेका सहसचिव मधुसुधन बुर्लाकोटी प्रदेश तीनको सचिव भएर गएपछि सो स्थान खाली रहेको छ ।