एकैदिनमा १ लाख भन्दा बढी संक्रमणको केस

विश्वमा कोरोना संक्रमितको संख्या १ करोड १ लाख ८६ हजार ४ सय १० पुगेको। जसमध्ये ५५ लाख १३ हजार ७ सय ८ संक्रमित निको भएका छन्।

यता, ५ लाख २ हजार ९ सय ८६ मानिसले संक्रमणबाट ज्यान पनि गुमाइसकेका छन्।

गएको आइतबार सबैभन्दा बढी अमेरिकामा कोरोनाको केस देखिएको छ। जहाँ २५ हजार नयाँ केस एकैपटक देखियो। यता, भारतमा १९ हजार ६ सय २० केस थपियो।

यस्तै, ब्राजिलमा ७ हजार भन्दा बढी संक्रमण एकैपटक देखियो। संक्रमणबाट सबैभन्दा बढी मृत्यु मेक्सिकोमा भएको छ। जहाँ एकैदिनमा ६ सय २ जनाले ज्यान गुमाए। भारतको कुरा गर्ने हो भने एकैदिनमा ३ सय ८४ जना संक्रमितको मृत्यु भएको छ। अमेरिकामा १ सय ६३ संक्रमितले ज्यान गुमाए।

-एजेन्सी