अक्सिजनको कमीका कारण १२ कोरोना संक्रमितको मृत्यु

नयाँदिल्ली—भारतको मध्यप्रदेशको शहडोल मेडिकल कलेजमा अक्सिजन सप्लाईको प्रेसर कम हुँदा १२ जनाको मृत्यु भएको छ । भारतीय सञ्चारमाध्यमकाअनुसार अक्सिजन प्रेसर कम हुनाले आईसीयुमा भर्ना भएका १२ जना कोरोना संक्रमितको मृत्यु भएको हो ।

शनिबार राति १२ बजे अक्सिजनको कमी हुन थालेपछि बिरामीहरु तडपिन थालेका थिए । त्यसपछि अस्पतालमा हंगामा मच्चिएको थियो । अस्पतालका कर्मचारी अक्सिजन सिलिन्डरको व्यवस्था गर्न थाले ।

अक्सिजनको कमीबाट १२ कोरोना संक्रमितको मृत्यु हुनुअघि त्यही अस्पतालमा थप १० जनाको मृत्यु भइसकेको थियो । सबैगरी त्यहाँ २२ जना बिरामीको मृत्यु भएको भारतीय सञ्चारमाध्यमले उल्लेख गरेका छन् ।