दक्षिण अफ्रिकामा एक गर्भवती महिलाले १० सन्तान जन्माएकी छिन्। ३७ वर्षीया गोसिअमे थमारा सितोले सोमबार पिक्टोरिया अस्पतालमा शल्यक्रिया विधिबाट १० सन्तान जन्माएकी हुन् ।
ती सन्तानमध्य सात छोरा र ३ छोरी छन्। अन्तर्राष्टिय संचार माध्यम न्युयोर्क टाइम्सका अनुसार उनले सन्तान जन्माउनु केहि दिन अघि आफुलाई आफ्नो गर्भमा यति धेरै सन्तान छन् भनेर विश्वास नलागेको र कुनै जटिल स्वास्थ्य समस्या पनि नहुँदा भगवानको चमत्कार जस्तै लागेको उल्लेख गरेकी थिइन्।
डाक्टरले सुरुमा उनलाई ६ सन्तान गर्भमा रहेको बताएका थिए तर पछि ८ सन्तान रहेको पाइयो। तर डेलिभरीको समयमा भने १० वटा सन्तान निस्किएको थियो।
ती महिलाको स्वास्थ्य अवस्था सामान्य रहेको चिकित्सकहरुले बताएका छन् ।
उक्त अफ्रिकी कपलको पहिला नै ६ वर्षको जुम्ल्याहा सन्तान छन्।
उक्त महिलाका श्रीमानले १० सन्तान जन्मिदा आफु भावुक र खुसी महसुस गरिरहेको बताएका छन्। उनले भने, ‘मेरो श्रीमती ७ महिना ७ दिनदेखि गर्भवती छिन्। म निकै भावुक र खुसी महसुस गरिरहेको छु।’
एकैपटक १० वटा सन्तान जन्मिएको विश्वको पहिलो रेकर्ड भएको डाक्टर बताउछन्। यसअघि मालिकी एक महिलाले मोरक्कोमा ९ सन्तानलाई जन्म दिएकी थिइन्।
-एजेन्सी