बुधबार र बिहीबार चीनबाट १६ लाख डोज खोप आउँदै

काठमाडौं—चीनबाट बुधबार र बिहीबार १६ लाख डोज नेपाल आउने भएको छ । नेपाल वायु सेवा निगमको वाइडबडीमार्फत उक्त खोप आउनेछ ।

बुधबार ८ लाख डोज भेरोसेल काठमाडौं आउने छ भने बिहीबार थप ८ लाख डोज आइपुग्नेछ । स्वास्थ्य सेवा विभागको खोप शाखाकाअनुसार चीनसँग खरिद गरेको खोपबाटै उक्त खोप आउन लागेको हो ।

यस्तै, जापानबाट अस्ट्राजेनेका खोपको बाँकी ७ लाख डोज ५ र ७ भदौमा आउने भएको छ । यसअघि जापानले कोभ्याक्समार्फत पठाएको ८ लाख डोज खोप आइसकेको छ ।