२०८१ असार २, शनिबार
Health Aawaj logo
गृहपृष्ठअन्यपूर्ण खोप लगाएका व्यक्तिबाट पनि सर्न सक्छ कोभिड-१९ : अध्ययन

पूर्ण खोप लगाएका व्यक्तिबाट पनि सर्न सक्छ कोभिड-१९ : अध्ययन


पूर्ण खोप प्राप्त गरेका व्यक्तिहरुबाट पनि कोभिड-१९ सर्न सक्ने एक अध्ययनले देखाएको छ। बेलायतमा हालै भएको एक अध्ययनले कोभिड–१९ विरुद्धको पूर्ण मात्रा खोप लगाएका व्यक्तिहरूलाई पनि कोभिड सङ्क्रमण भएको पाइएको हो ।

ती संक्रमित व्यक्तिबाट अरूलाई पनि सङ्क्रमण हुने गरेको अध्ययनले देखाएको छ। गत सेप्टेम्बरसम्म एक वर्ष लगाएर गरिएको उक्त अध्ययनमा लण्डन र बोल्टनमा कोभिडका लागि पीसीआर परीक्षण गरेका ४४० घरपरिवारलाई छनोट गरिएको थियो ।

उक्त अध्ययनअनुसार खोप प्राप्त व्यक्तिबाट नलगाएका व्यक्तिले जत्तिकै सङ्क्रमण फैलाउन सक्ने सम्भावना रहेको छ । खोप लगाइसकेका संक्रमितले खोप नलगाएका अरू मानिसमा कोभिड सार्ने सम्भावना ३८ प्रतिशत रहेको सो अध्यनन गर्ने विज्ञको दावी छ । उनीहरूले पाँच मध्ये दुई जनालाई कोभिड सार्न सक्छन्।

विज्ञहरुले खोप लगाएका व्यक्तिबाट कोभिड सर्दैन भनेर विश्वस्त नहुन र सतर्कता अपनाउन अनुरोध गरेका छन्। सबैले अनिवार्यरूपमा पूर्ण मात्राको खोप लिन विज्ञले सुझाएका छन् ।

-एजेन्सी


क्याटेगोरी : अन्य



तपाईको प्रतिक्रिया दिनुहोस


ट्रेण्डिङ