काठमाडौं—चिकित्सा विज्ञान राष्ट्रिय प्रतिष्ठान (न्याम्स) वीर अस्पताललाई समग्र चिकित्सा सुविधाहरु सुदृढ गर्न मद्दत गर्ने उद्देश्यसहित डाबर नेपालले २५ लाख बराबरको सहयोग हस्तान्तरण गरेको छ ।
सोमबार डाबर नेपालकी अध्यक्ष तथा प्रबन्ध निर्देशक ईश्वरी राना र नेपाल तथा म्यानमारका व्यापार प्रमुख एच.एस.वेदीले वीर अस्पताल निर्देशक डा. भुपेन्द्र बस्नेतलाई एक कार्यक्रममाझ स्वास्थ्य उपकरण खरिदका लागि उक्त चेक हस्तान्तरण गरेका हुन् ।
डाबर नेपालले आफ्नो सामाजिक उत्तरदायित्व कार्यक्रममार्फत सघन उपचारको लागि सहयोग पु¥याउन उक्त सहयोग गरेको जनाएको छ । उक्त कार्यक्रममा डा. अनुपमा कार्की र प्रा. डा. मनेन प्र. गोर्खालीसमेत उपस्थिती रहेका थिए ।
कार्यक्रममा डाबरका नेपाल तथा म्यानमार व्यापार प्रमुख एच.एस. वेदीले कोभिड(१९ महामारीमा महत्वपूर्ण सेवा प्रदान गरेकाले वीर अस्पताललाई सहयोग गरिएको बताए ।
‘वीर अस्पताल नेपालकै प्रतिष्ठित र अग्रणी सरकारी अस्पताल हो । जसले नेपालका नागरिकहरुलाई अग्रपंक्तिमा रहेर स्वास्थ्य सेवा प्रदान गर्दै आइरहेको छ,’ उनले भने, ‘अहिलेको विश्वव्यापी महामारीको समयमा यस संस्थाको महत्वपूर्ण स्वास्थ्य सेवाहरु प्रदान गर्ने प्रयासमा हामीले सहयोग गर्नु समय सान्दर्भिक र उपयुक्त रहेको छ ।’
