२०८१ असार १, शुक्रबार
Health Aawaj logo
गृहपृष्ठअन्यकिन हुन्छ पाठेघरको क्यान्सर, यस्ता हुन्छन् लक्षण

किन हुन्छ पाठेघरको क्यान्सर, यस्ता हुन्छन् लक्षण


पाठेघरको मुखको क्यान्सर एक त्यस्तो प्रकारको क्यान्सर हो, जुन गर्भाशयको कोषमा हुने गर्छ । अर्थात्, गर्भाशयदेखि तल्लो योनीलाई जोड्ने भागमा हुने क्यान्सर नै पाठेघरको मुखको क्यान्सर हो । यसलाई विश्वमा नै एक विकराल समस्याको रुपमा लिइन्छ । यस्तै, संसारमै सबैभन्दा बढि देखिने क्यान्सरमध्ये यो आठौं स्थानमा रहेको छ ।

अर्काे शब्दमा यसलाई महिला क्यान्सर पनि भनिन्छ । विश्वको तथ्यांक हेर्ने हो भने वार्षिकरुपमा ५ लाखभन्दा बढि महिला यस रोगबाट शिकार भएको देखिन्छ ।

यस संक्रमणको मुख्य कारण ‘ह्युमन प्यापीलोमा भाइरस’  हो । यद्यपि मल्टिपल पार्टनर र सानो उमेरमै धेरै प्रजनन गराउने प्रकृयालाई पनि पाठेघर क्यान्सरको मुख्य जिम्मेवार पक्ष मानिन्छ । प्रायजसोः ३५ देखि ४० वर्ष कटेका महिलामा धेरै देखिने यस क्यान्सरलाई बढावा दिने अन्य कारक तत्वहरु निम्न रहेका छन्ः

जोखिम बढाउने कारक तत्वहरु

  • धुम्रपान
  • कमजोर रोग प्रतिरोध क्षमता
  • ५ वा सोभन्दा बढि सन्तान जन्माउनु वा सानै उमेरमा प्रजनन हुनु(१७ वर्षभन्दा कम उमेरमा)गर्भावस्थामा अनावश्यक हार्माेन सम्बन्धिको औषधि सेवन गरेमा ।
  • अन्य रोगहरु जस्तै शरीरमा देखिने यसका केहि लक्षणहरुले पनि पाठेघरको क्यान्सरलाई संकेत दिइरहेको हुन्छ । जसलाई हामीले बेवास्ता गर्ने गल्ती गर्नु हुदैन ।

यसका मुख्य लक्षणहरु निम्न रहेका छन्ः

  • अनावश्यक रक्तश्रावः
    – सम्भोगको क्रममा, महिनावरीको क्रममा र, महिनावारी भइ सकेपछि पनि अनावश्यक रुपमा रक्तश्राव हुनु ।
  • योनीश्राव हुनुः
    – नाभीमुनि एवम् ढाडको तल्लो पछिल्लो भागमा लगातार दुखाई हुदै योनिश्राव हुनु ।
  • कोखा दुख्नु
  • कब्जियत
  • लगातार पिसाब लाग्नु
  • पिसाबमा रगत देखिनु
  • एक वा दुवै खुट्टा सुन्नु ।

रोकथामका उपायहरुः

यस्ता समस्या आफूमा नदेखियोस् भन्नका लागि महिलाले सबैभन्दा पहिले यसको जोखिम बढाउने कारक तत्वबाट टाढै रहने प्रयास गर्नुपर्छ । जसका लागि महिलाले एचपिभी विरुद्धको खोप लगाउने, धुम्रपानबाट टाढै रहने, शारीरिक एवम् मानसिक रुपमा तयार भएपछि मात्रै प्रजजन गर्ने, एकजना संग मात्रै यौन सम्बन्ध कायम गर्ने र कन्डमको प्रयोग गर्ने गर्नुपर्छ ।

यस्तै, आफूमा यसको जोखिम भए वा नभएको थाहा पाउनका लागि प्रत्येक महिलाले १-१ वर्षको अन्तरालमा अनिवार्य रुपमा आफ्नो पाठेघरको जाँच गराउनु पर्छ भने, यसबाहेक कुनै पनि महिलाले माथि उल्लेखित लक्षणहरु आफूमा देखिएमा त्यसलाई बेवास्ता नगरी उपचारका लागि तुरुन्त सम्बन्धित चिकित्सकको सल्लाह लिनुपर्छ ।

-एजेन्सी


क्याटेगोरी : अन्य



तपाईको प्रतिक्रिया दिनुहोस


ट्रेण्डिङ