पेलेको स्वास्थ्य अवस्था सुधारोन्मुख : अस्पताल

ब्राजिलका प्रख्यात फुटबल खेलाडी पेलेको स्वास्थ्य अवस्था खराब भएको समाचार फैलिएपछि उपचार भइरहेको अस्पतालले उनको अवस्था राम्रै रहेको जनाएको छ ।

ब्राजिलको एक समाचारपत्रले पेलेको स्वास्थ्य अवस्था नाजुक रहेको र उन शरीरले केमोथेरापीलाई पनि राम्रोसँग स्वीकार नगरिरहेकाले उनको अवस्था चिन्ताजनक रहेको भन्दै समाचार प्रकाशन गरेपछि उनको स्वास्थ्य लाभका लागि सामाजिक सञ्जालमा कयौँ स्टाटसहरु लेखिएका थिए ।

त्यस्तै ब्राजिलको द टर्च होटलले उनलाई छिट्टै निको हुनु भनेर एक प्रोजेक्टरबाट सुभेच्छा पनि व्यक्त गरेको थियो ।

८२ वर्षीय पेलेको उपचार गरिरहेको अस्पतालले एक विज्ञप्ती जारी गर्दै उनको शरीरले २४ घण्टादेखि राम्रै लक्षण दिइरहेको र आत्तिनुपर्ने अवस्था नरहेको जनाएको हो ।