संक्रामक तथा सरुवा रोग अस्पतालमा जनरल स्वास्थ्य सेवा पूर्ण रुपमा संचालन

पोखरा—गण्डकी प्रदेश सरकारअन्तर्गतको संक्रामक तथा सरुवा रोग अस्पतालले जनरल स्वास्थ्य सेवा पूर्ण रुपमा संचालनमा ल्याएको छ ।

अस्पतालका कार्यकारी निर्देशक डा. विकास गौचनले अस्पतालले जनरल स्वास्थ्य सेवा पूर्ण रुपमा संचालनमा ल्याएको जानकारी दिए ।

अस्पतालले विशेषज्ञ चिकित्सकहरुको प्रत्यक्ष निगरानीमा २४ सैं घण्टा आकस्मिक, अन्तरंग र बहिरंग सेवा उपलब्ध गराउनेछ । साथै, अस्पतालले विशेषज्ञ चिकित्सकहरुकै निगरानीमा विस्तारित सेवा समेत उपलब्ध गराउने डा. गौचनले जानकारी दिए ।

उनकाअनुसार अस्पतालले जनस्वास्थ्य परामर्श सेवासमेत उपलब्ध गराउनेछ ।