गोकर्णेश्वर नगरपालिकामा छाला सम्बन्धी पहिलो फार्मेसी संचालनमा

काठमाडौं—राजधानीको गोकर्णेश्वर नगरपालिकामा छाला सम्बन्धी पहिलो फार्मेसी संचालनमा आएको छ । नगरपालिका—५ जोरपाटीमा आवरण स्किन क्लिनिकको सहकार्यमा एसएनएच (स्कीन, न्यूट्रिशन एण्ड हेल्थ) फार्मेसीयाको दोस्रो आउटलेट संचालनमा आएको हो ।

छाला तथा कपालसम्बन्धी समस्या भएका जो कोहीले फार्मेसीबाट अन्तर्राष्ट्रियस्तरको सेवा लिन सक्ने संचालकले जनाएका छन् । फार्मेसीमा विज्ञहरूबाट निःशुल्क काउन्सिलिङ हुनेछ भने आवश्यकताअनुसार ५० प्रतिशत छुटमा अनलाइनमार्फत् आवरणका विज्ञहरूसँग परामर्श पनि लिन सकिनेछ ।

साथै, अन्तर्राष्ट्रियस्तरका गुणस्तरीय औषधीहरूको नेपालभरी अनलाइन डेलिभरीको व्यवस्था पनि क्लिनिकमा उपलब्ध रहेको छ । राजधानीको समग्र पूर्वी क्षेत्रमा छाला रोग सम्बन्धी औषधीहरूको सहज उपलब्धता तथा आवश्यक जनचेतना जगाउनु फार्मेसीको उद्देश्य रहेको संचालकले बताएका छन् ।

एसएनएचको पहिलो आउटलेट दरबारमार्गमा आवरण स्किनको सहकार्यमा सन् २०१६ देखि संचालित छ ।