२०८१ असार ११, मंगलबार
Health Aawaj logo
गृहपृष्ठप्रदेश २सामाजिक विकास मन्त्रालयमा अख्तियारको छापा, कागजात नियन्त्रणमा

सामाजिक विकास मन्त्रालयमा अख्तियारको छापा, कागजात नियन्त्रणमा


जनकपुर -अख्तियार दुरुपयोग अनुसन्धान आयोगले प्रदेश २ को समाजिक विकास मन्त्रालयमा छापा मारेको छ । कोरोना सम्बन्धि मिडिया ब्रिफिंग र स्वास्थ्य सामग्री खरिदमा व्यापक अनियमितता भएको गुनासो बढेपछि अख्तियारले आइतबार मन्त्रालयमा छापा मारेको हो ।

मिडिया ब्रिफिङ र अपूर्ति महाशाखाअन्तर्गतका सम्पूर्ण कागजातहरु मन्त्रालयबाट नियन्त्रणमा लिएको आयोगको क्षेत्रीय कार्यालय बर्दिवासले जनाएको छ । स्रोतका अनुसार प्रदेश सरकारले संचालन गरेको मिडिया ब्रिफिङमा सरकारले दैनिक रुपमा करिब २ लाख रुपैयाँ खर्च गर्दै आएको छ ।

यस्तै, सामाजिक विकास मन्त्रालयअन्तर्गत रहेको प्रदेश स्वास्थ्य आपूर्ति व्यवस्थापन केन्द्रमार्फत गरिएको स्वास्थ्य सुरक्षा सामाग्री खरिदमा बजार मूल्यभन्दा बढीमा खरिद गरेको भन्दै प्रदेश सरकारको आलोचना हुँदै आएको छ । यसअघि पनि प्रदेश २ को समाजिक विकास मन्त्रालयअन्तर्गत रहेको स्वास्थ्य निर्देशनालयबाट औषधि तथा स्वास्थ्य सामग्री र उपकरण खरिदमा ५ करोडभन्दा बढी रुपैयाँ भ्रष्टाचार भएको थियो ।

समाजिक विकास मन्त्रीले प्रत्येक योजना र खरिदमा ३० प्रतिशतसम्म कमिसन लिएर मन्त्रालय र निर्देशनालयका कर्मचारीलाई समेत भ्रष्टाचार गर्न सघाएको खुलासा भएको थियो ।


क्याटेगोरी : प्रदेश २



तपाईको प्रतिक्रिया दिनुहोस


ट्रेण्डिङ