‘विश्व फार्मेसिस्ट दिवस’मा जनकपुरमा र्‍याली प्रदर्शन

जनकपुर – ‘विश्व फार्मेसिस्ट दिवस’को अवसरमा जनकपुरमा र्‍याली प्रदर्शन गरिएको छ । फर्मा प्रोस्पेक्टिभ अफ नेपाल’द्वारा आयोजित कार्यक्रमको र्‍याली ‘जहाँ औषधी त्यहाँ फार्मेसिस्ट’ भन्ने नाराका साथ जनकपुरको रामानन्द चौकबाट सुरु भइ  जनकचोकमा कोणसभा गरी सम्पन्न गरिएको हो  ।

सो कार्यक्रममा डाक्टरको स्लिपको आधारमा औषधी मात्रै खरिद गर्न र दर्ता भएको औषधी पसलबाट मात्र औषधी लिन समेत आग्रह गरिएको छ । साथै जथाभावी औषधी प्रयोग नगर्न पनि अपिल गरिएको छ ।

यसैगरी, विश्व फार्मेसिस्ट दिवसको अवसरमा शुक्रबार साँझ जानकी मन्दिरमा दिपप्रज्वलन गर्ने कार्यक्रम समेत रहेको छ ।