जिल्ला प्रशासन कार्यालय सिरहामा स्तनपान कक्षको स्थापना

धनुषा – जिल्ला प्रशासन कार्यालय सिरहाले स्तनपान कक्षको स्थापना गरेको छ । नागरिकता तथा अन्य कामका लागि जिल्ला प्रशासन कार्यालयमा विहान ८ वजेदेखि सेवाग्राहीको लाइन लाग्ने गरेको भन्दै प्रशासन कार्यालयले स्तनपान कक्षको स्थापना गरेको सिरहाका प्रमुख जिल्ला अधिकारी प्रदिप कणेलले बताए ।

प्रजिअ कणेलका अनुसार साना बालबालिका लिएर आउने महिला सेवाग्राहीहरुलाई सुरक्षित र मर्यादित तरिकाले स्तनपान गराउन उपयुक्त हुनेगरी कार्यालय परिसरमै स्तनपान कक्षको स्थापना गरिएको प्रजिअ कणेलले बताए ।

स्तनपान गराउने महिलाहरुलाई हुँदै आएको असुविधालाई मध्यनजर गरी व्यवस्थित स्तनपान कक्षको स्थापना गरेको सिडिओ कणेलले बताए । उनका अनुसार  खुला रुपमा स्तनपान गराउँदा महिलाहरुलाई असहज हुने परिपाटीको अन्त्य भएको छ । सानो प्रयासले सेवाग्राहीलाई ठुलो मद्दत पुगेको उनको भनाई छ ।